ভাৰতৰ জি-২০ অধ্যক্ষতাত অনুষ্ঠিত স্বাস্থ্য কৰ্মী গোট আৰু স্বাস্থ্য মন্ত্ৰীসকলৰ বৈঠক ১৭-১৯ আগষ্টলৈ গুজৰাটৰ গান্ধীনগৰত অনুষ্ঠিত হয়। এই বৈঠকত জি-২০ৰ সদস্য দেশসমূহৰ স্বাস্থ্য মন্ত্ৰী, আমন্ত্ৰিত দেশৰ প্ৰতিনিধি আৰু বিভিন্ন আন্তঃৰাষ্ট্ৰীয় সংস্থাসমূহ অংশগ্ৰহণ কৰে। স্বাস্থ্য আৰু পৰিয়াল কল্যাণ মন্ত্ৰণালয়ৰ অতিৰিক্ত সচিব লভ আগৰৱালাই আদৰণি ভাষণ প্ৰদান কৰাৰ বিপৰীতে কেন্দ্ৰীয় স্বাস্থ্য মন্ত্ৰী ডাঃ মনসুখ মাণ্ডৱিয়াই মুকলি অধিৱেশনত উদ্বোধনী ভাষণ প্ৰদান কৰে।
এই বৈঠকত জি-২০ হেল্থ ট্ৰেকৰ তিনিটা মুখ্য অগ্ৰাধিকাৰৰ ওপৰত বিশেষভাৱে গুৰুত্ব আৰোপ কা হৈছিল। ইয়াৰ ভিতৰত সুৰক্ষিত, কাৰ্যকৰী, গুণগত আৰু সুলভ চিকিৎসা হস্তক্ষেপৰ প্ৰৱেশ আৰু উপলব্ধতাৰ ওপৰত গুৰুত্ব আৰোপ কৰা ঔষধ, যাৰ ভিতৰত আছে প্ৰতিৰোধ, প্ৰস্তুতি আৰু স্বাস্থ্য জৰুৰীকালীন অৱস্থাৰ প্ৰতি সঁহাৰি জনোৱাৰ লগতে এন্টি-মাইক্ৰ’বিয়েল প্ৰতিৰোধ ক্ষমতা আৰু অঞ্চলটোত সহযোগিতা শক্তিশালী কৰাৰ বাবে এক স্বাস্থ্য পৰিকাঠামো; আৰু সাৰ্বজনীন হেল্থ কভাৰেজত সহায়ক হোৱাকৈ আৰু স্বাস্থ্যসেৱা প্ৰদান উন্নত কৰাৰ বাবে ডিজিটেল স্বাস্থ্য উদ্ভাৱন আৰু সমাধান। এই বৈঠকৰ সময়ত কেন্দ্ৰীয় আয়ুষ মন্ত্ৰণালয় আৰু বিশ্ব স্বাস্থ্য সংস্থাৰ দ্বাৰা আয়ুষ্মান ভাৰতৰ অধীনত সাৰ্বজনীন হেল্থ কভাৰেজ বৃদ্ধিৰ বাবে ভাৰতৰ প্ৰচেষ্টাৰ ওপৰত গুৰুত্ব আৰোপ কৰি দুদিনীয়া পৰম্পৰাগত মেডিছিন গ্লবেল ছামিটৰ আয়োজন কৰা হয়।
বিশেষ ভিডিঅ’ বাৰ্তাৰ জৰিয়তে এই বৈঠকক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে। তেওঁ নিজৰ ভাষণত কয় যে, ‘পৰৱৰ্তী স্বাস্থ্য জৰুৰীকালীন অৱস্থা প্ৰতিৰোধ, প্ৰস্তুতি আৰু সঁহাৰি দিবলৈ আমি সাজু থাকিব লাগিব। আজিৰ আন্তঃসংযোগী পৃথিৱীত এয়া বিশেষভাৱে গুৰুত্বপূৰ্ণ।”
