গুৱাহাটীৰ পশ্চিম প্ৰান্তৰ খানামুখত ১৯৮২ চনত স্থাপিত খানামুখ ৰঙালী বিহু বিদায় ৰঙালী বিহু সন্মিলনীয়ে এইবেলি ৪০ সংখ্যক বর্ষ সম্পূৰ্ণ কৰিছে । আনহাতে কভিড কেন্দ্ৰীক পৰিস্থিতিৰ বাবে দুটা বছৰৰ বিৰতিৰ অন্তত অহা ১৪ মে’ত এদিনীয়া কাৰ্যসূচীৰে খানামুখ খেলপথাৰত সন্মিলনীৰ উদ্যোগত বহাগী উৎসৱ উদযাপনৰ প্ৰস্তুতি চলোৱা হৈছে । উৎসৱৰ লগত সংগতি ৰাখি সিদিনা বিয়লি ৩ বজাৰ পৰা বহাগী উৎসৱৰ সাংস্কৃতিক মঞ্চত নৃত্য প্রতিযোগিতা অনুষ্ঠিত হব । প্ৰতিযোগিতাৰ প্ৰথম বিজয়ীক নগদ ৩ হাজাৰ এটকাসহ কুসুম কলিতা সোঁৱৰণী বঁটা ( দাতা : উৎপল কলিতা ) , দ্বিতীয় বিজয়ীক নগদ ২ হাজাৰ টকাসহ কমল বৈশ্য সোঁৱৰণী বঁটা ( দাতা : কনক চন্দ্ৰ বৈশ্য ) আৰু তৃতীয় বিজয়ীক নগদ ১,৫০০ টকাসহ মহেন্দ্ৰ বৰুৱা আৰু সাবিত্ৰী বৰুৱা সোঁৱৰণী বঁটা ( দাতা : হীৰেণ বৰুৱা ) প্ৰদান কৰা হব । সন্ধিয়াৰ পৰা অনুষ্ঠিত হবলগীয়া বহাগী উৎসৱৰ অনুষ্ঠানত বিশিষ্ট কণ্ঠশিল্পী ৰোহিত সোনাৰ , ৰিংকু মজুমদাৰ , অনুস্মিতা দাসকে ধৰি কেবাজনো জনপ্ৰিয় ন – পুৰণি শিল্পীয়ে সংগীত , জনগোষ্ঠীয় শিল্পীৰ দলে নৃত্য প্ৰদৰ্শন কৰিব । আনহাতে বহাগী উৎসৱৰ কাৰ্যসূচী সুচাৰুৰূপে পালন কৰিবলৈ অৱসৰপ্ৰাপ্ত শিক্ষক বীৰেন্দ্ৰ নাথ ঠাকুৰীয়াক সভাপতি , তপনজ্যোতি ঠাকুৰীয়াক কাৰ্যকৰী সভাপতি , হিতেশ কলিতা আৰু হেমেন কলিতাক সাধাৰণ সম্পাদক , সীমান্ত কলিতা , অসীম দাস , ৰিংকু কলিতা আৰু সীমান্ত কলিতাক সম্পাদক , ৰুবুল বৈশ্য আৰু পংকজ কলিতাক সাংস্কৃতিক সম্পাদক , সাংবাদিক জয়ন্ত কলিতাক মুখ্য প্ৰচাৰ সম্পাদক হিচাপে লৈ খানামুখ ৰঙালী বিহু বিদায় সন্মিলনীৰ ৩১ জনীয়া কাৰ্যকৰী কমিটিখন গঠন কৰা হৈছে ।
