আমাজনে নতুন বিক্ৰেতাৰ বাবে ৰেফাৰেল মাচুলত ৫০% ৰেহাই ঘোষণা কৰিছে

সমগ্ৰ ভাৰতবৰ্ষৰ লগতে উত্তৰ-পূৰ্বাঞ্চলৰ বিক্ৰেতাসকলৰ বাবে ফেষ্টিভ ছিজন সফল কৰাৰ প্ৰতিশ্ৰুতিৰ অংশ হিচাপে আমাজনে ২৭ আগষ্টৰ পৰা ৪ নৱেম্বৰলৈ Amazon.inত যোগ দিয়া নতুন বিক্ৰেতাসকলৰ বাবে ৰেফাৰেল মাচুল ৫০% ৰেহাই প্ৰদানৰ কথা ঘোষণা কৰিছে। যোগদানৰ দিনটোৰ পৰা ৬০ দিনৰ বাবে বৈধ এই ৰেহাইৰ জৰিয়তে নতুন বিক্ৰেতাক উৎসাহিত কৰা, গ্ৰাহকৰ আধাৰ গঢ়ি তোলাত সহায় কৰা আৰু আগতীয়া ব্যয় হ্ৰাস কৰি প্ৰতিযোগিতামূলক ই-কমাৰ্চ বজাৰত স্থান প্ৰতিষ্ঠা কৰাই ইয়াৰ মূল উদ্দেশ্য।

আমাজনে “গ্ৰেট ইণ্ডিয়ান ৰেফাৰেল অফাৰ” নামৰ এক ৰেফাৰেল কাৰ্যসূচীও আৰম্ভ কৰিছে, য’ত বিক্ৰেতাসকলে নিজৰ বন্ধুবৰ্গক Amazon.inত বিক্ৰী কৰিবলৈ ৰেফাৰ কৰিব পাৰে আৰু ১১,৫০০ টকা পৰ্যন্ত ৰিৱাৰ্ড প্ৰাপ্ত কৰিব পাৰে। কোম্পানীটোৱে বিক্ৰেতাসকলৰ বাবে অনলাইন বিক্ৰী সহজ আৰু অধিক সফল কৰাৰ বাবে এক সৰলীকৃত পঞ্জীয়ন প্ৰক্ৰিয়া, বিক্ৰী ইভেণ্ট পৰিকল্পনাকাৰী আৰু নতুন বিক্ৰেতা সফলতা কেন্দ্ৰৰ দৰে প্ৰযুক্তিগত পদক্ষেপসমূহো আৰম্ভ কৰিছে। ইয়াৰ উপৰিও আমাজনে নতুন বিক্ৰেতাসকলৰ বাবে LIVE প্ৰশিক্ষণ পৰিচালনা কৰিব আৰু এইসকল লোকৰ তালিকা, শ্বিপিং, প্ৰাইম, ডিল আৰু কুপনৰ বিষয়ে জ্ঞান বা তথ্য প্ৰদান কৰিব।

এই বিষয়ে আমাজন ইণ্ডিয়াৰ বিক্ৰেতা অধিগ্ৰহণ আৰু অগ্ৰগতি খণ্ডৰ মুৰব্বী গৌৰৱ ভাটনগৰে কয় যে, “উত্তৰ-পূৰ্বাঞ্চলৰ ১১,০০০ৰো অধিক বিক্ৰেতাই Amazon.inত বিক্ৰী আৰম্ভ কৰাৰ লগে লগে অনলাইন বিক্ৰী সহজ আৰু অধিক উৎপাদনশীল কৰি তোলাৰ ওপৰত আমাৰ গুৰুত্ব বাঢ়িছে।”

By Business Bureau

Leave a Reply

Your email address will not be published. Required fields are marked *