অসমৰ মুখ্যমন্ত্ৰী হিমন্ত বিশ্ব শৰ্মাই তেওঁৰ চৰকাৰে বাল্যবিবাহৰ বিৰুদ্ধে চলোৱা অভিযানৰ যুক্তিযুক্ততা ব্যক্ত কৰি কয় যে অসমত কিশোৰীৰ গৰ্ভধাৰণৰ হাৰ হৈছে ১৬.৮%। এয়া যথেষ্ঠ উদ্বেগজনক বুলিও মন্তব্য কৰে মুখ্যমন্ত্ৰীয়ে।
যোৱা বছৰ (জানুৱাৰীৰ পৰা ডিচেম্বৰলৈ) পঞ্জীয়ন হোৱা ৬.২ লাখ গৰ্ভৱতী মহিলাৰ ভিতৰত তেওঁ কয় যে ১.০৪ লাখ গৰ্ভৱতী মহিলাৰ ভিতৰত ১৬.৮% কিশোৰী গৰ্ভধাৰণ। আৰ চি এইচ পৰ্টেলৰ তথ্যৰ পৰিসংখ্যাৰ উদ্ধৃতি দি মুখ্যমন্ত্ৰীয়ে কয় যে ১৯ বছৰ বা তাৰ আগতে তেওঁলোক গৰ্ভৱতী হৈছিল।
কিশোৰী গৰ্ভধাৰণৰ অনুপাত ২৮.৭% লৈ চাৰ্টত শীৰ্ষস্থান দখল কৰিছে বৰপেটা জিলাই। ধুবুৰী আৰু দক্ষিণ শালমাৰা আৰু গোৱালপাৰা জিলাৰ সংশ্লিষ্ট পৰিসংখ্যা ক্ৰমে ২৭.৯% আৰু ২৪.১%। তিনিওখনেই নামনি অসমৰ সংখ্যালঘু বসতিপ্ৰধান জিলা।
“বাল্য বিবাহৰ বিৰুদ্ধে আমাৰ এই অভিযান জনস্বাস্থ্য আৰু জনকল্যাণৰ বাবে কাৰণ অসমত কিশোৰীৰ গৰ্ভধাৰণৰ অনুপাত যথেষ্ট আতংকজনক – ১৬.৮%। আমি আমাৰ উদ্দেশ্য পূৰণ নকৰালৈকে এই অভিযান অব্যাহত ৰাখিবলৈ সংকল্পবদ্ধ৷ এই ক্ষতিকাৰক ধাৰা নিয়ন্ত্ৰণৰ ক্ষেত্ৰত আমাৰ সৈতে সহযোগিতা কৰিবলৈ ৰাইজক আহ্বান জনাইছো।’- মুখ্যমন্ত্ৰীয়ে টুইটত কয়।
